Pure kuch hi karte hain,
Yeh sapne hi toh hote hain,
Jo Humko zinda rakhte hain,
Kuch sapne sakar hote hain,
Kuch sapne sapne reh jaate hain,
Par ek umeed ke bharose se hi hum,
Duniya se ladh jaate hain,
Koi bhi normal nahi tha aisa,
Jinse sab badal diya,
Koi anpadh toh koi ameer,
Jisne nazariya badal diya,
Padhai likhai toh naam ki hi hai,
Jo padha barbaad hua,
Bana naukar padh likh kar anpadh ka,
Jo kehta hai Abaad hua,
Rahisi aati padhai se hi toh,
Kyo Malik sab anpadh nikle,
Jama kiya sab chal kapat se,
Seedhi rah sab barbaad hue,
Kyo gareeb gareeb rehta hai,
Aur ameer ameer ho jata hai,
Sapna toh dekhe sabne lekin,
Jo pura kare woh chata hai,
Kisne socha tha Jeewan mein,
Jo chahega woh payega,
Maang khuda se bas wahi jo,
Sukh dukh mein tu seh payega,
Nahi bana ek raat Mein koi,
Sadak chap se crorepati,
Usse Jake pucho kya kya,
Sahi thi usne durgati,
Agar woh sab tum seh sakte ho,
Toh usse zyada mehnat karo,
Har saans mein ladna seekho khud se,
Aur duniya mein sab ka bhala karo,
Dua lagti hai unki hi bas,
Jo bechare hote hain,
Do waqt ki roti khane wale,
Sadak kinare khade hote hain,
Khushi manao isi baat ki,
Tumhare pass toh ghar bhi hai,
Unka socho jo mar jaate hain,
Jo sadak kinare sote hain,
Kismat likhi thi upar wale ne,
Sabki ek kalam siahi se,
Koi mara paida hote hi,
Toh kisi ne nazariye badal diye,
Zinda logo se hai kehna,
Jo chahte ho kar jao,
Maut likhi hai sabki ik din,
Usse Pehle khud se lad jao,
Bhala kisi ka kar na sako toh,
Bura kisi ka mat karna,
Khush nai rakh sakte apno ko toh,
Zeher unke kano mein matt Bharna,
Dua kisi ki le na sako toh,
Bad dua bhi mat lena,
Jisko jitna ho sake tum,
Salah use dete rehna!!!!!!!
No comments:
Post a Comment