Thaath

Zindagi hai hi ajeeb,
Ise sabse alag sunoge,
Jitna tum zyada jiyoge,
Utne Dauro  see guzroge,
Har baar ashirwad hi nahi chahiye hota,
Kuch bar duaeyin lena bhi zaroori hai,
Kisi ko dukhi rehne ki aadat hoti hai,
Toh khush rehna bhi kuch logo ki majboori hai,
Har daur badalta rehta hai,
Jisse ek naya paigaam failta hai,
Sab har cheez se khush nahi hote,
Aur wahi kono mein hain chup kar rote,
Par Kyoki wooh bhi,
Zindagi ka hissa hai,
Bade ajeeb tarike se,
Likha gaya aisa kissa hai,
Sab ko sab kuch milta nahi,
Mil Jaata toh use paate kaise,
Jitne gham sahe uske bina,
Uska jashn hum manate kaise,
Woh daur hi kuch aur tha,
Jaha sab ko sab kuch milta tha,
Aaj toh aisa haal hai sab ka,
Jo Jhuka woh daba jo lada aage badha,
Sochne wali baat par,
Koi samay nahi bitaata,
Bas apne tarike se,
Sab ko apna nazariya dikhata,
Par Kyoki sab ki soch,
Ek jaisi nahi hoti,
Yehi kaaran hai ladaai ka,
Eek sunta nahi,
Ek maanta nahi.....