Jeena sikhaya jaaye

Zindagi anmol hai,
Naseebo se milti hai,
Lakh chah lein kuch bhi hum,
Upar wale ki marzi se hi chal ti hai,
Toh kyo Humko pareshaan hona,
Jo bhi paya hai ek din hai khona,
Toh uthao phone aur,
Lagao kisi khaas ko,
Bin soche fir share kar do,
Dil ke apne har ehsaas ko,
Kyoki jo apne hote hain,
Woh hi saath nibhate hain,
Har gham mein har mushkil mein toh,
Woh hi hum ko hasate hain,
Toh kyo na apne jeene ka,
Maqsad aisa kuch banaya jaye,
Rahe sada khush hum khud mein,
Aur sabko aise Jeena sikhaya jaaye,
Kya rakha hai gham peene mein,
Yu ghut ghut kar jeene mein,
Akhir ik din sabne jana hai,
Chood jana apni yaado ka fasana hai,
Toh kyo na hum khushi manaye,
Aur yu sabko Jeena sikhaya jaye,
Akhir kyo darte hain hum,
Kyo Pal pal marte hain hum,
Jab pata hai ik din sabne jana hai,
Toh kyo unke naam ka gham manana hai,
Raho khush tum saath unke,
Pal khushiyo ke unko dete jao,
Jitna waqt mila hai tum ko,
Unki duayein lete jao,
Jab sab ab pata hai tum ko,
Toh kyo karate ho intezaar,
Karo nakki sab pal bhar mein hi,
Aur tum baant te chalo yu pyaar,
Gham se yu hi aage badh kar,
Kyo na khushiyon ko failaya jaye,
Aao mere saath muskuraao sabhi tum,
Aur Aise hi sabko Jeena sikhaya jaaye!!!!!!!!!!!