Insaan mahan hai

Insaan ko Insaan samajhna,
Bhi eek bohot badi kala hai,
Is sooch aur is fitrat mein,
Har Insaan khoob Jala hai,
Ki kaun kise yaha samajh payega,
Kaun kisko kitna saath nibhayega,
Yehi soch samajh kar har koi,
Is Jahan mein jeeta hai,
Aur sab se chupta chupata,
Har gham ko peeta hai,
Aur usse aage badh ne ka,
Upaay jab koi laata hai,
Woh insaan pehle khud ko,
Fir auro ko samajh pata hai,
Kehne ko toh kitne log hain,
Jo khul kar jee jaate hain,
Aur wahi kuch aise bhi hain,
Jo har pal marte jaate hain,
Marte marte jeena seekho,
Aur jeete jeete marna,
Ek hi toh mila hai yeh jeewan,
Toh kyo kisi se kabhi darna,
Insan ko Insaan samjho,
Toh dikhta usme bhagwan hai,
Warna yeh toh atal satya hai,
Ki sab mein thoda Haiwaan hai,
Jisko samajh pana,
har kisi ko nahi aata,
Aur jo har fasad ki,
Teh tak hai jata,
Sahi maino mein,
Bas wahi insaan hai,
Aur is baat ko samajhne wala,
Wahi hai jo sabse mahaan hai......